சுனிதா வில்லியம்ஸ் (பிறப்பு: செப்டம்பர் 19, 1965) ஒரு அமெரிக்க விண்வெளி வீராங்கனையும் கப்பல்படை அதிகாரியும் ஆவார்[1]. இவர் சர்வதேச விண்வெளி நிலையத்திற்கு 14ம் விண்வெளிப் பயணத்திற்கு உறுப்பினராக்கப்பட்டார்

uru guru

சுனிதா வில்லியம்ஸ்
நாசா விண்வெளி வீரர்
தேசியம்	அமெரிக்கர்
பிறப்பு	செப்டம்பர் 19, 1965(அகவை 46) யூக்ளிட்,ஒஹைய்யோ
வேறு தொழில்	விமான ஓட்டுவர்
படிநிலை	கமாண்டர், USN
விண்பயண நேரம்	194நா 18ம 02நி
தெரிவு	1998 நாசா பிரிவு
பயணங்கள்	STS-116,எக்ஸ்பெடிஷன் 14,எக்ஸ்பெடிஷன் 15, STS-117
பயண சின்னம்

சுனிதா வில்லியம்ஸ் (பிறப்பு: செப்டம்பர் 19, 1965) ஒரு அமெரிக்க விண்வெளி வீராங்கனையும் கப்பல்படை அதிகாரியும் ஆவார்^[1]. இவர் சர்வதேச விண்வெளி நிலையத்திற்கு 14ம் விண்வெளிப் பயணத்திற்கு உறுப்பினராக்கப்பட்டார், பின் அவர் 15ம் விண்வெளி பயணத்தில் இணைந்தார். விண்வெளியில் பயணம் செய்த பெண்களில் அதிக நேரம் விண்வெளியில் பயணம் செய்த சாதனையை (195 நாட்கள்) அவர் கொண்டிருக்கிறார்^[2].

பொருளடக்கம்   [மறை]  1 கல்வி 2 ராணுவ சேவை 3 நாசா வாழ்க்கை 4 விண்வெளிவிமான அனுபவம் 4.1 STS-116 4.2 விண்வெளி பயணம் 14 மற்றும் 15 4.3 STS-117 5 2007 இந்திய பயணம் 6 தனிப்பட்ட வாழ்க்கை 7 அமைப்புகள் 8 விருதுகள் மற்றும் மரியாதைகள் 9 குறிப்புகள் 10 வெளி இணைப்புகள்

[தொகு]கல்வி

இந்தியத் தந்தைக்கும், சுலொவீனியத் தாய்க்கும் பிறந்த வில்லியம்ஸ் யூக்ளிட், ஒஹைய்யோவில் பிறந்தார், மசாச்சூசெட்ஸ் இல் நீடாம் உயர்நிலைப் பள்ளியில் கல்வி பயின்று 1983 இல் தேர்ச்சி பெற்றார். அதனைத் தொடர்ந்து அமெரிக்க கப்பற்படை அகாதமியில் இருந்து அறிவியல் துறையில் இளங்கலைப்பட்டத்தை 1987 இல் பெற்றார், 1995 ஆம் ஆண்டு புளோரிடா இன்ஸ்டிடியூட் ஆஃப் டெக்னாலஜியில் இருந்து பொறியியல் நிர்வாகத்தில் முதுகலைப் பட்டம் பெற்றார்^[1].

[தொகு]ராணுவ சேவை

அமெரிக்க கப்பல்படையில் இளநிலை அதிகாரியாக பணி புரியும் வாய்ப்பை அமெரிக்க கப்பல்படை அகாதமியிடம் இருந்து மே 1987 இல் வில்லியம்ஸ் பெற்றார். 1989 இல் கப்பல்படை விமானியாக நியமிக்கப்பட்ட அவர், கப்பல்படையின் சோதனை பைலட் பள்ளியில் 1993 இல் பட்டம் பெற்றார்^[1].

[தொகு]நாசா வாழ்க்கை

விண்வெளி வீரர் சுனிதா எல். வில்லியம்ஸ், விண்வெளி பயணம் 14 இன் விமான பொறியாளர், திட்டத்தில் மூன்றாவதாக திட்டமிடப்பட்ட அமர்வான கூடுதல் வாகன நடவடிக்கையில் (EVA) பங்கேற்கிறார்.

நாசாவால் ஜூன் 1998 இல் தேர்ந்தெடுக்கப்பட்ட வில்லியம்ஸ் தனது பயிற்சியை ஆகஸ்டு 1998 இல் துவக்கினார்^[1]. அவரது விண்வெளி வீரருக்கான பயிற்சியில், பழக்கமடைதல் விவரங்கள் மற்றும் விளக்கங்கள், ஏராளமான அறிவியல் மற்றும் தொழில்நுட்ப விளக்கங்கள், விண்வெளிக் கலம் மற்றும் விண்வெளி நிலைய அமைப்புகளில் செறிவான விளக்கங்கள், டி-38 விமான பயிற்சிக்கு தயாரிப்பு செய்யும் வகையிலான உடல்ரீதியான பயிற்சி மற்றும் தரை கல்வி, அத்துடன் நீர் மற்றும் இனம்புரியாத இடங்களில் உயிர்தப்பிக்கும் நுட்பங்களை கற்பது ஆகியவை அடக்கம்.மூன்று முறை நடந்து விண்வெளியில் அதிகமுறை நடந்திருக்கும் பெண் என்னும் சாதனையை காத்ரின் தார்ன்டன் செய்திருந்தார், அதனை இவர் முறியடித்தார். அதன்பின் அவரது சாதனையை முறியடித்து பெகி விட்சன் அதிக விண்வெளி நடை சாதனை பெண்ணாக ஆனார். பயிற்சி மற்றும் மதிப்பீடு காலத்தைத் தொடர்ந்து, வில்லியம்ஸ்மாஸ்கோவில் ரஷ்ய விண்வெளி அமைப்புடன் இணைந்து அவிநிக்கு ரஷ்யா பங்களிக்கும் பணியிலும், அவிநி க்கு அனுப்பப்பட்ட முதல் விண்வெளிப் பயண குழுவிலும் செயலாற்றினார். விண்வெளி பயணம் 1 முடிந்து திரும்பியதும், வில்லியம்ஸ் ISS ரோபாடிக் உறுப்பில் ரோபாடிக் கிளையிலும் அது தொடர்பான "சிறப்பு நோக்க லாவக மெனிபுலேட்டர்" (Special Purpose Dexterous Manipulator) இலும் பணிபுரிந்தார். நீமோ 2 திட்டத்தில் ஒரு குழு உறுப்பினரான அவர், மே 2002 இல் ஒன்பது நாட்களுக்கு நீர் வாழ்விடத்தில் நீருக்கடியில் வசித்தார்^[1].

வில்லியம்ஸ் நாசாவின் விண்வெளி வீரர் அலுவலகத்தின் துணைத் தலைவராக (2008 இன் படி) பணியாற்றுகிறார்^[3].

பல விண்வெளி வீரர்களைப் போல, வில்லியம்சும் ஒரு உரிமம் பெற்ற அமெச்சூர் ரேடியோ ஆபரேட்டர் ஆவார், 2001 இல் டெக்னிசியன் பிரிவு உரிமம் தேர்வில் தேர்ச்சி பெற்றார், பெடரல் தொடர்பு வாரியம் இவருக்கு அழைப்பு குறியீடு KD5PLB ஐ ஆகஸ்டு 13இல் வழங்கியது^[4]. ISS இல் இருந்த இரண்டு அமெச்சூர் வானொலி நிலையங்களில் ஒன்றைப் பயன்படுத்தி அவர் பள்ளிக் குழந்தைகளுடன் பேசினார்^[5].

[தொகு]விண்வெளிவிமான அனுபவம்

[தொகு]STS-116

STS-116 உடனான சர்வதேச விண்வெளி நிலையத்திற்கு விண்வெளி பயணம் 14 உறுப்பினர்களுடன் இணைந்து கொள்வதற்காக டிசம்பர் 9, 2006 இல் டிஸ்கவரிவிண்வெளிக் கலத்தில் வில்லியம்ஸ் அனுப்பப்பட்டார். ஏப்ரல் 2007 இல், ரஷ்ய உறுப்பினர்கள் சுழற்சி செய்யப்பட்டனர்.

சர்வதேச விண்வெளி நிலையத்திற்கு (ISS) வில்லியம்ஸ் தன்னுடன் எடுத்துச் சென்ற சொந்த பொருட்களில், ஒரு பகவத் கீதை புத்தகம், ஒரு பிள்ளையார் படம் மற்றும் சில சமோசாக்கள் இருந்தன^[6].

[தொகு]விண்வெளி பயணம் 14 மற்றும் 15

ஏப்ரல் 16 2007 அன்று விண்வெளி நிலையத்தில் இருந்து பாஸ்டன் மராத்தான் ஓடிய முதல் நபர் என்னும் பெருமையை வில்லியம்ஸ் பெற்றார்.

டிஸ்கவரியில் சென்ற பின், வில்லியம்ஸ் தனது குதிரைவால் தலைமுடியை "லாக்ஸ் ஆஃப் லவ்" அமைப்புக்கு அளிக்க ஏற்பாடு செய்தார். சக விண்வெளி வீரரான ஜோன் ஹிக்கின்பாதம் முடிவெட்டியதானது சர்வதேச விண்வெளி நிலையத்திற்கு உள்ளாக நிகழ்ந்தது. அத்துடன் இந்த குதிரைவால் முடியானது பூமிக்கு கொண்டுவரப்பட்டது^[7].

வில்லியம்ஸ் தனது முதல் "கூடுதல்வாகன செயல்பாட்டை" (extra-vehicular activity) STS-116 இன் எட்டாவது நாளில் மேற்கொண்டார். 2007 ஜனவரி 31, பெப்ரவரி 4, மற்றும் பெப்ரவரி 9, 2007 ஆகிய நாட்களில் அவர் "மைக்கேல் லோபஸ்" (அல்ஜீரியா) உடன் இணைந்து ISS இல் இருந்து மூன்று விண்வெளி நடைகளை நிறைவு செய்தார். இந்த நடைகளில் ஒன்றின்போது ஒரு புகைப்படக்கருவி அவிழ்ந்து, அநேகமாக இணைப்பு சாதனம் செயலிழந்து இருக்கலாம், வில்லியம்ஸ் செயல்படும் முன்பே வான்வெளியில் மிதந்தது^[8].

சுனிதா வில்லியம்ஸ் மற்றும் ஜோன் இ. ஹிக்கின்பாதம் ஒரு வழிமுறைகள் சரிபார்ப்புப் பட்டியலுடன் ஒப்பிட்டுக் கொள்கின்றனர்.

மூன்றாவது விண்வெளி நடையின் போது நிலையத்திற்கு வெளியே மொத்தம் 6 மணி நேரம் 40 நிமிடங்கள் இருந்த வில்லியம்ஸ் ஒன்பது நாட்களில் மூன்று விண்வெளி நடைகள் மேற்கொண்டார். நான்கு விண்வெளி நடைகளில் அவர் 29 மணிகள் மற்றும் 17 நிமிடங்களைப் பதிவு செய்தார், ஒரு பெண் மேற்கொண்ட அதிக விண்வெளி நடை நேரத்திற்கானகாத்ரின் சி. தார்ன்டன் செய்திருந்த சாதனையை அவர் விஞ்சினார்^[1][2]. டிசம்பர் 18, 2007 இல், விண்வெளி பயணம் 16 இன் நான்காவது விண்வெளிநடையின் போது, பெகி விட்சன் வில்லியம்சை விஞ்சினார், அதுவரையான மொத்த EVA நேரம் 32 மணி, 36 நிமிடங்கள் உடன்^[9][10].

மார்ச் 2007 ஆரம்பங்களில் கொஞ்சம் கூடுதல் காரமான உணவு வேண்டும் என்று அவர் கோரியதை அடுத்து ஒரு புரோகிரஸ் விண்கல பயணத்தில் ஒரு டியூப்வசாபியை அவர் பெற்றார். டியூபைத் திறந்து ஒரு வளிமண்டல அழுத்தத்தில் அடைக்கப்பட்டிருந்த ஜெல் போன்ற பசை ISS இன் குறைவான அழுத்தத்தில் பிதுக்கி எடுக்கப்பட்டது. சாதாரணமாக பறக்கும் சுற்றுப்புறத்தில், காரமான சுடுபீச்சினை அடக்கி வைப்பது கடினம்^[11].

ஏப்ரல் 16, 2007 இல், சுற்றிலிருக்கும் ஒரு விண்வெளி வீரர் கலந்து கொள்ளும் முதல் மராத்தானில் ஓடினார்^[12]. 2007 பாஸ்டன் மராத்தானை வில்லியம்ஸ் நான்கு மணி நேரம் 24 நிமிடங்களில் பூர்த்தி செய்தார்^[13][14][15]. பிற குழு உறுப்பினர்கள் அவருக்கு உற்சாகமூட்டினர், ஓட்ட இடைவெளிகளில் ஆரஞ்சுகள் கொடுத்தனர் எனக் கூறப்படுகிறது. வில்லியம்சின் சகோதரியான தினா பாந்த்யா, மற்றும் சக விண்வெளி வீரரான கரேன் எல். நைபெர்க் ஆகியோர் பூமியில் இந்த மராத்தானில் கலந்து கொண்டனர், வில்லியம்ஸ் அவர்களின் ஓட்ட விவரங்களை திட்ட கட்டுப்பாட்டு அறையில் இருந்து பெற்றார். 2008 இல், வில்லியம்ஸ் மீண்டும் பாஸ்டன் மராத்தானில் கலந்து கொண்டார், இந்த முறை பூமியில் இருந்து. அதே வருடத்தில், டுயல் விளையாட்டு நிகழ்ச்சியில் கலந்து கொண்டார். இந்த நிகழ்வில் இருந்து ஒரு கேள்வி கேட்கப்பட்டது. பதில்கள் இவ்வாறு இருந்தன: லண்டன், நியூயார்க், சர்வதேச விண்வெளி நிலையம், பாரிஸ். மிகச் சரியான விடை ISS என்பதாகும்.

வில்லியம்ச்சை STS-117 பயணத்திட்டத்தில் அட்லாண்டிஸ் விண்கலம் மூலம் பூமிக்கு திரும்ப அழைப்பது என்று ஏப்ரல் 26, 2007 இல் முடிவு மேற்கொள்ளப்பட்டதால், அவரால் அமெரிக்காவின் தனிநபர் விண்வெளிவிமான சாதனையை முறியடிக்க முடியவில்லை, அந்த சாதனை சமீபத்தில் முந்தைய குழு உறுப்பினரான கமாண்டர் "மைக்கேல் லோபஸ்" (அல்ஜீரியா) மூலம் முறியடிக்கப்பட்டது. ஆயினும் அவர் அதிக காலம் ஒற்றை விண்வெளிவிமானப் பயணம் செய்த பெண்ணுக்கான சாதனையை செய்திருக்கிறார்^[1][16][17].

[தொகு]STS-117

வில்லியம்ஸ் STS-117 இல் திட்ட நிபுணராகப் பணியாற்றி, பூமிக்கு STS-117 பயணத் திட்ட முடிவில் ஜூன் 22 2007 அன்று பூமி திரும்பினார். விண்வெளிக் கலமான அட்லாண்டிஸ் கலிபோர்னியாவின் எட்வர்ட்ஸ் விமானப் படை விமானத்தளத்தை EDT நேரப்படி காலை 3:49 க்கு தொட்டது, சாதனை அளவாக 195 நாளை விண்ணில் கழித்த வில்லியம்ஸ் தாயகம் திரும்பினார்.

பயணத்திட்ட மேலாளர்கள் அட்லாண்டிஸை மொஜாவே பாலைவனத்தின் எட்வர்ட்ஸ் பகுதிக்கு திருப்ப நேர்ந்தது, ஏனென்றால் மோசமான காலநிலை காரணமாக கேப் கனவிரலில் உள்ள கென்னடி விண்வெளி மையத்தில் தரையிறக்க முடியாமல் முந்தைய 24 மணி நேரத்தில் மூன்று தரையிறங்கும் முயற்சிகளை அவர்கள் தவிர்க்கும் நிர்ப்பந்தம் நேர்ந்தது."மீண்டும் நல்வரவு, ஒரு பெரும் பயணத்திட்டத்தை மேற்கொண்டமைக்கு வாழ்த்துக்கள்" விண்கலம் தரையிறங்கியதும் நாசா திட்ட கட்டுப்பாட்டு குழுவினர் வில்லியம்ஸ் மற்றும் மற்ற ஆறு குழு உறுப்பினர்களுக்கும் இவ்வாறு வாழ்த்து கூறினர்^[18].

தரையிறங்கிய பிறகு, 41 வயது சுனிதா ஏபிசி தொலைக்காட்சி நிறுவனத்தினால் "அந்த வாரத்தின் சிறந்த மனிதராக" தேர்ந்தெடுக்கப்பட்டார். நோயுடன் போராடி தங்கள் தலைமுடியை இழந்திருப்போருக்கு உதவும் வகையில் டிசம்பரில் தனது நீண்ட முடியை அவர் தியாகம் செய்ததை அந்த தொலைக்காட்சி நினைவுகூர்ந்தது.

[தொகு]2007 இந்திய பயணம்

செப்டம்பர் 2007, சுனிதா வில்லியம்ஸ் இந்தியாவுக்கு பயணம் வந்தார். 1915 ஆம் ஆண்டில் மகாத்மா காந்தியால் அமைக்கப்பட்ட ஆசிரமமான சபர்மதி ஆசிரமத்திற்கும், குஜராத்தில் தனது முன்னோர்கள் வாழ்ந்த கிராமமான ஜுலாசானுக்கும் அவர் சென்று பார்வையிட்டார். அவருக்கு உலக குஜராத்தி சமூகம் வழங்கிய "சர்தார் வல்லபாய் படேல் விஸ்வ பிரதீபா விருது" கிடைத்தது, இந்த விருதைப் பெறும் முதல் இந்திய குடியுரிமை இல்லாத வெளிநாடு வாழ் இந்தியர்" இவராவார். தனது சகோதரி மகன் பிறந்தநாளை ஒட்டி தனது உறவினர் வீட்டுக்கும் அவர் சென்றிருந்தார்.அக்டோபர் 4 2007இல் அமெரிக்க தூதரக பள்ளியில் பேசிய வில்லியம்ஸ், பின் இந்திய ஜனாதிபதி பிரதிபா பாட்டிலை ராஷ்டிரபதி பவனில் சந்தித்தார்^[19].

[தொகு]தனிப்பட்ட வாழ்க்கை

வில்லியம்ஸ் மைக்கேல் வில்லியம்சை திருமணம் செய்து கொண்டிருக்கிறார். இந்த இருவருக்கும் திருமணமாகி 16 வருடங்களுக்கும் அதிகமாக ஆகிறது, இருவருக்கும் குழந்தைகள் இல்லை என்றாலும், இவர்கள் கோர்பி என்ற பெயரில் நாய் ஒன்றினை வளர்க்கிறார்கள். அவரது பொழுதுபோக்கு ஆர்வங்களில் ஓடுவது, நீந்துவது, பைக் ஓட்டுவது, டிரையத்லான் விளையாட்டு, காற்றோட விளையாட்டு, பனிச்சறுக்கு மற்றும் வில் வேட்டை விளையாட்டு ஆகியவை அடக்கம். அவர் பாஸ்டன் ரெட் சாக்ஸ் இன் பரம ரசிகர். அவரது பெற்றோரான தீபிகா பாந்த்யா மற்றும் போனி பாந்த்யா,மசாசூசெட்ஸ் பால்மவுத்தில் வசிக்கிறார்கள். தீபக் பாந்த்யா ஒரு புகழ்பெற்ற நியூரோஅனாடமிஸ்ட். வில்லியம்சீன் தந்தை வழி உறவுகள் குஜராத்தில் இருக்கின்றனர். அவர் தனது தாய் வழியானசுலோவீனிய வம்சாவளியாவார்^[20].

[தொகு]அமைப்புகள்

• பரிசோதனைரீதியான சோதனை பைலட்டுகள் சொசைட்டி
• விமான சோதனை பொறியாளர்கள் சொசைட்டி
• அமெரிக்கன் ஹெலிகாப்டர் அசோசியேசன்

[தொகு]விருதுகள் மற்றும் மரியாதைகள்

• நேவி கமென்டேஷன் விருது (இருமுறை)
• நேவி மற்றும் மரைன் கார்ப்ஸ் சாதனை விருது
• மனிதாபிமான சேவை விருது மற்றும் பல்வேறு பிற சேவை விருதுகள்

[தொகு]குறிப்புகள்

1. ↑ ^{1.0 1.1 1.2 1.3 1.4 1.5 1.6} Sunita L. Williams (Commander, USN)
2. ↑ ^2.0 2.1 Orbital Champ: ISS Astronaut Sets New U.S. Spacewalk Record
3. ↑ விண்வெளி வீரர் சுயசரிதை: சுனிதா வில்லியம்ஸ் (5/2008)
4. ↑ Sunita L Williams
5. ↑ Amateur Radio on the International Space Station (ARISS)
6. ↑ With Ganesh, the Gita and samosas, Sunita Williams heads for the stars
7. ↑ Astronaut cuts her hair in space for charity
8. ↑ Astronaut's Camera is Lost In Space
9. ↑ Astronauts make 100th station spacewalk
10. ↑ Spacewalkers Find No Solar Wing Smoking Gun
11. ↑ wasabi spill
12. ↑ Race From Space Coincides with Race on Earth
13. ↑ Zee News Limited (2007-04-17). "Sunita Williams Runs Marathon in Space". zeenews.com. பார்த்த நாள் 2007-06-08.
14. ↑ Jimmy Golen for The Associated Press (2007). "Astronaut to run Boston Marathon — in space".MSNBC. பார்த்த நாள் December 19 2007.
15. ↑ NASA (2007). "NASA Astronaut to Run Boston Marathon in Space". NASA. பார்த்த நாள் December 19 2007.
16. ↑ Amateur Radio News (2007-02-05). "Ham-astronauts setting records in space". Amateur Radio News. பார்த்த நாள் 2007-06-08.
17. ↑ Mike Schneider for The Associated Press (2007). "Astronaut stuck in space — for now". MSNBC. பார்த்த நாள் December 19 2007.
18. ↑ William Harwood for CBS News (2007). "Atlantis glides to California landing". Spaceflight Now. பார்த்த நாள் December 19 2007.
19. ↑ American Embassy School (2007-10-05). "Astronaut Sunita Williams Visits AES". American Embassy School. பார்த்த நாள் 2007-10-07.
20. ↑ Jenny May (2006-12-06). "Woman takes leap to moon with part of Euclid". news-herald.com. பார்த்த நாள் 2007-06-08.

[தொகு]வெளி இணைப்புகள்

• சுனிதா வில்லியம்ஸின் நாசா சுயசரிதை பிப்ரவரி 2008
• சுனிதா வில்லியம்ஸின் விண்வெளி உண்மைகள் சுயசரிதை ஆகஸ்டு 11, 2007
• நிராழி இதழ்: வேலைக்குச் செல்லும் பெண்: சுனிதா வில்லியம்ஸ் நவம்பர் 200