திருச்சிராப்பள்ளி மாவட்டம் (ஆங்கிலம்:Tiruchirappalli district), இந்தியாவில் தமிழ்நாடு மாநிலத்தில் உள்ள முப்பத்திரெண்டு மாவட்டங்களில் ஒன்றாகும். இம்மாவட்டத்தின் தலைநகரம் திருச்சி ஆகும்.

தாவிச் செல்லவும்: வழிசெலுத்தல், தேடல்

திருச்சிராப்பள்ளி மாவட்டம்
திருச்சிராப்பள்ளி மாவட்டம்:அமைந்த இடம்
தலைநகரம்	திருச்சிராப்பள்ளி
மிகப்பெரிய நகரம்	திருச்சிராப்பள்ளி
ஆட்சியர்	ஜெயஸ்ரீ முரளிதரன் [1]
காவல்துறைக் கண்காணிப்பாளர்	{{{காவல்துறைக் கண்காணிப்பாளர்}}}
ஆக்கப்பட்ட நாள்
பரப்பளவு	4403.83 கி.மீ² (?வது)
மக்கள் தொகை (2001 வருடம் அடர்த்தி	2,418,366 (?வது) 549/கி.மீ²
வட்டங்கள்	9
ஊராட்சி ஒன்றியங்கள்	14
நகராட்சிகள்	3
பேரூராட்சிகள்	17
ஊராட்சிகள்	408
வருவாய் கோட்டங்கள்	3

திருச்சிராப்பள்ளி மாவட்டம் (ஆங்கிலம்:Tiruchirappalli district), இந்தியாவில் தமிழ்நாடு மாநிலத்தில் உள்ள முப்பத்திரெண்டு மாவட்டங்களில் ஒன்றாகும். இம்மாவட்டத்தின் தலைநகரம் திருச்சி ஆகும்.

பொருளடக்கம் 1 வரலாறு 2 எல்லைகள் 3 நிர்வாகம் 3.1 கோட்டங்கள் 3.2 வட்டங்கள் 3.3 மாநகராட்சி 3.4 நகராட்சி 3.5 ஊராட்சி ஒன்றியங்கள் 4 புவியியல் 4.1 ஆறுகள் 4.2 கல்லணை 4.3 மேலணை 5 மேற்கோள்கள் 6 வெளி இணைப்புகள்

வரலாறு

தென்னகத்தின் மத்தியில் திருச்சி மாவட்டம் அமைந்துள்ள காரணத்தால், தென்னகத்தின் மீது படையெடுத்து வெற்றி கொண்ட அத்தனைப் பேரரசுகளின் ஆதிக்கத்திலும் பரந்தும் குறுகியும் இம்மாவட்டம் விளங்கியது. சேர, சோழ, பாண்டியர்களாலும், விஜய நகரப் பேரரசாலும் பாளையக்காரர்களாலும் திருச்சி மாவட்டம் ஆளப்பட்டது. ஆங்கிலேயர்களின் நிலையான ஆட்சி அமைந்த பிறகே, இம்மாவட்டத்தில் அமைதியும் வளர்ச்சியும் ஏற்படத் தொடங்கின. 1948-இல் புதுக்கோட்டை சமஸ்தானம் திருச்சி மாவட்டத்தில் இருந்தது. இப்பகுதி 1974-இல் திருச்சியிலிருந்து பிரிக்கப்பட்டு தனி மாவட்டமாக அமைந்தது. நில அடிப்படையில் தமிழகத்தின் மையமாக விளங்கும் திருச்சி மாவட்டம் 1995, செப்டம்பர் 30-ஆம் தேதி திருச்சி, கரூர், பெரம்பலூர் என மூன்று மாவட்டங்களாகப் பிரிக்கப்பட்டது.

எல்லைகள்

வடக்கில் பெரம்பலூர் மாவட்டத்தையும், கிழக்கில் பெரம்பலூர், தஞ்சாவூர் மாவட்டங்களையும், தெற்கில் புதுக்கோட்டை, சிவகங்கை மற்றும் மதுரை மாவட்டங்களையும், வட மேற்கில் நாமக்கல் மாவட்டத்தையும், மேற்கில் கரூர், திண்டுக்கல் மாவட்டங்களையும் திருச்சிராப்பள்ளி மாவட்டம் எல்லைகளாகக் கொண்டுள்ளது.

நிர்வாகம்

கோட்டங்கள்

• திருச்சி
• லால்குடி
• முசிறி

வட்டங்கள்

• மணப்பாறை
• ஸ்ரீரங்கம்
• திருச்சிராப்பள்ளி
• இலால்குடி
• மண்ணச்ச நல்லூர்
• துறையூர்
• முசிரி
• தொட்டியம்
• திருவெறும்பூர்

மாநகராட்சி

திருச்சி

நகராட்சி

• மணப்பாறை
• துறையூர்
• துவாக்குடி

ஊராட்சி ஒன்றியங்கள்

• திருவெறும்பூர்
• அந்தநல்லூர்
• மணிகண்டம்
• மணப்பாறை
• மருங்காபுரி
• வையம்பட்டி
• இலால்குடி
• புள்ளம்பாடி
• மணச்சநல்லூர்
• துறையூர்
• முசிரி
• தொட்டியம்
• தாத்தையங்கார் பேட்டை
• உப்பியாபுரம்

புவியியல்

ஆறுகள்

திருச்சி மாவட்டத்தை வளங்கொழிக்க வைக்கும் முக்கிய ஆறு காவிரி. காவிரியுடன் அய்யாறு, அமராவதி, நொய்யாறு, மருதையாறு, வெள்ளாறு போன்றவை வந்து சேர்கின்றன. இவையல்லாமல் சின்னாறு, காட்டாறு, கம்பையாறு, ருத்ராட்சா ஆறு, அரியாறு, கொடிங்கால், வாணியாறு, கோரையாறு, குண்டாறு, அம்புலியாறு, பாம்பாறு முதலிய சிற்றாறுகளும் இம்மாவட்டத்தில் பாய்ந்து வளப்படுத்துகின்றன. திருச்சி வட்டத்தில் முக்கொம்பூர் எனுமிடத்தில் காவிரியிலிருந்து கொள்ளிடம் தனியாகப் பிரிகிறது. காவிரியின் முக்கிய கிளை நதிகள் கொள்ளிடம், வெண்ணாறு, உய்யகொண்டான் ஆறு, குடமுருட்டி, வீரசோழன், விக்ரமனாறு, அரசலாறு முதலியனவாகும். வெண்ணாற்றிலிருந்து வெட்டாறு, வடலாறு, கோரையாறு, பாமனியாறு, பாண்டவயாறு, வெள்ளையாறு முதலியவைப் பிரிகின்றன. உய்யக்கொண்டான் ஆறு திருச்சி நகர்புறத்தில் பல பாசனக் குளங்களுக்கு நீர் தருகிறது.

கல்லணை

கல்லணை சோழ மன்னன் கரிகாலனால் கட்டப் பெற்றது. கி.பி. முதல் நூற்றாண்டின் இறுதியில் கரிகாலன் கல்லணை கட்டி காவிரியின் போக்கைக் கட்டுப்படுத்திக் கழனிகளில் பாய்ச்சி செழிப்பை உண்டாக்கியதை பட்டினப்பாலை, பொருநர் ஆற்றுப்படை பாடல்களும், தெலுங்குச் சோழக்கல்வெட்டுகளும், திருவாலங்காட்டுச் செப்பேடுகளும் தெரிவிக்கின்றன. மணலில் அடித்தளம் அமைத்து கல்லணையை கட்டிய பழந்தமிழர் தொழில்நுட்பம் இன்று வரை வியத்தகு சாதனையாகப் புகழப் படுகிறது. கல்லணையின் நீளம் 1080 அடி அகலம் 40 முதல் 60 அடி வரை உள்ளது. 15 முதல் 18 அடி ஆழத்தில் நிறுவப்பட்ட இது நெளிந்து வளைந்த அமைப்புடன் காணப்படுகிறது. கல்லும் களிமண்ணும் மட்டுமே சேர்ந்த ஓர் அமைப்பு 1900 ஆண்டுகளுக்கு மேலாக காவிரி வெள்ளத்தைத் தடுத்து நிறுத்தி வருவது அதிசயமே ஆகும். 1839 இல் அணையின் மீது பாலம் ஒன்று கட்டப்பட்டது. பல இடங்களிலிருந்து தினந்தோறும் ஏராளமானோர் இவ்வணையைக் காண வருவதால், இது ஒரு சுற்றுலாத் தலமுமாகும்.

மேலணை

மேலணை 1836 ஆம் ஆண்டு கொள்ளிடம் பிரியுமிடத்தில் கட்டப்பட்டது. மேலணைப் பகுதியில், காவிரி இரண்டாகப் பிரிவதற்கு முன் கிடைக்கும் தண்ணீர் சீராகக் கட்டு படுத்தபட்டு டெல்டா பிரதேசம் முழுவதற்கும் பாசன வசதி கிடைக்கிறது. அளவுக்கு மீறிய வெள்ள காலத்தில் இந்த அணையின் வழியாக விநாடிக்கு 98,000 கன அடி தண்ணீர் கொள்ளிடத்திற்குள் பாய்ந்து விடும். இதனால் கல்லணைக்கு வரும் ஆபத்து தடுக்கப்பட்டது.

மேற்கோள்கள்

1. ↑ [http://thatstamil.oneindia.in/news/2011/06/01/29-district-collectors-transferred-aid0090.html 29 மாவட்ட ஆட்சியர் மாற்றம்